பாரம் இறக்க இடமின்றி காகிதத்தில் கிறுக்குகிறேன்

24/07/2010 at 7:35 முப (கவிதை, கவிதைகள், காதல், பெண், Uncategorized)

பாரம் இறக்க இடமின்றி காகிதத்தில் கிறுக்குகிறேன்,
ஒரு வார்த்தை ஓராயிரம் வலி – வலி எனினும்
உன் நினைவுகள் என்பதால் பதியம் போடுகிறேன்
உள்ளே அழுகிறேன், உனக்காய் சிரிக்கிறேன்
முகம் மாற்றி நடிக்கிறேன் – உனக்காய்
உன்னிடமிருந்து விலகுகிறேன் – என் விழி நீரோடு,
எனினும் எப்போதும் என் பார்வை உன் பாதம்  தாங்கும்.

Advertisements

நிரந்தர பந்தம் பின்னூட்டமொன்றை இடுங்கள்

ராவணனில் பாரதியார் கவிதை

04/07/2010 at 4:13 பிப (கவிதை, கவிதைகள், Uncategorized) (, , , , )

ஐயம் உண்டு

ராகம்-கமாஸ்                                                                                       (தாளம்-ஆதி)

பல்லவி

ஜயமுண்டு பயமில்லை மனமே!-இந்த
ஜன்மத்திலே விடுதலையுண்டு நிலையுண்டு.                                     (ஜய)

அனுபல்லவி

பயனுண்டு பக்தியினாலே-நெஞ்சிற்
பதிவுற்றற குலசக்தி சரணுண்டு பகையில்லை                                 (ஜய)

சரணங்கள்

புயமுண்டு குன்றத்தைப் போலே-சக்தி
பொற்பாத முண்டு அதன் மேலே;
நியம மெல்லாம்சக்தி நினைவன்றிப் பிறிதில்லை;
நெறியுண்டு,குறியுண்டு,குலசக்தி வெறியுண்டு                                  (ஜய)

மதியுண்டு செல்வங்கள் சேர்க்கும்-தெய்வ
வலியுண்டு தீமையைப் போக்கும்;
விதியுண்டு,தொழிலுக்கு விளைவுண்டு,குறைவில்லை;
விசனப்பொய்க் கடலுக்குக் குமரன்கைக் கணையுண்டு                (ஜய)

அலைபட்ட கடலுக்கு மேலே-சக்தி
அருளென்னுந் தோணியி னாலே
தொலையெட்டிக் கரையுற்றுத் துயரற்று விடுபட்டுத்
துணிவுற்ற குலசக்தி சரணத்தில் முடிதொட்டு.                                    (ஜய)

http://www.lakshmansruthi.com/tamilbooks/bharathiar/bharathi-II66.asp

நிரந்தர பந்தம் பின்னூட்டமொன்றை இடுங்கள்

காதலில் சொதப்புவது எப்படி???????????

02/07/2010 at 2:30 முப (கவிதை, கவிதைகள், காதல், சிறுகதை, நகைச்சுவை, பெண், Uncategorized) (, , , , , , , )

நீங்க எப்படி ?????

நிரந்தர பந்தம் 3 பின்னூட்டங்கள்

பெண் – யாரோ எழுதிய கவிதை

29/06/2010 at 10:59 முப (கவிதை, கவிதைகள், பெண், Uncategorized) (, , )

ஒன்பது மாத கருவறை கதகதப்பு, முதல் அழுகை,

காற்றில் சுற்றுகையில் குடையாகும் பாவாடை,

கெண்டை கால்களுடன் சண்டை போடும் கொலுசுகள்,

இறுகப் பின்னிய ரெட்டை  ஜடை,

புரியாமல் பூரிக்கும் முதல் ரத்தம்,

கண்ணாடி முன் நிற்கும் கர்வ நிமிடங்கள்,

கன்னத்து ரெட்டக்குழிகளின்  வெட்கம்,

மார்புடன் அணைத்து போகும் புத்தகங்கள்,

பயத்தில் பிரசவிக்கும் உதட்டு  வியர்வை,

தேக  வாசனையுடன்  சின்ன கைக்குட்டை,

சோகத் துணையாய்  ஈரத் தலையணை,

வெட்கத்தில் விரல்விடும் முதல் ஸ்பரிசம்,

அழுகையில் அரவணைக்கும் ஆண்மை,

உயிர் பிளந்து உடையும் பனிக்குடம்,

சுரந்து போகும் தாய்மை துளி,

அம்மா என்ற அழைப்பின் வருடல்,

அத்தனையும் அனுபவிக்க

அடுத்த பிறவியிலாவது பிறக்க வேண்டும்

கள்ளிச்செடிகள் இல்லாத தேசம் ஒன்றில்.

நிரந்தர பந்தம் 4 பின்னூட்டங்கள்

அன்னையின் ஈமச் சடங்கு

18/06/2010 at 2:49 முப (கவிதை, கவிதைகள், பாடல்கள்) (, , , , , , )

பட்டினத்தடிகள் துறவியாக ஊர் ஊராகத் திரிந்து கொண்டிருந்த காலத்தில் அவருடைய அன்னையார் மரணமடைந்தார். அவருடைய ஈமச்சடங்கை எங்கிருந்தாலும் வந்து செய்து தருவேன் என்று வாக்களித்திருந்த பட்டினத்தடிகள் சரியான நேரத்தில் சுடுகாட்டினை அடைந்தார். அவருடைய தாயின் சிதைக்காக உறவினர்கள் அடுக்கியிருந்த காய்ந்த விறகுகளை அகற்றிவிட்டு பச்சை வாழைமட்டைகளையும் இலைகளையும் கொண்டு சிதை அடுக்கி பத்துபாடல்கள் பாடி சிதையைப் பற்றச் செய்தார். அந்தப் பாடல்கள் மிகப் புகழ்பெற்றவை.

ஐயிரண்டு திங்களாய் அங்கமெலாம் நொந்து பெற்றுப்
பையலென்ற போதே பரிந்தெடுத்துச் செய்ய இரு
கைப்புறத்தில் ஏந்திக் கனகமுலை தந்தாளை
எப்பிறப்பில் காண்பேன் இனி
முந்தித் தவம் கிடந்து முன்னூறு நாள்சுமந்தே
அந்திபகலாய்ச் சிவனை ஆதரித்துத் தொந்தி
சரியச் சுமந்து பெற்ற தாயார் தமக்கோ
எரியத் தழல் மூட்டுவேன்
வட்டிலிலும் தொட்டிலிலும் மார்மேலும் தோள்மேலும்
கட்டிலிலும் வைத்தென்னைக் காதலித்து முட்டச்
சிறகிலிட்டுக் காப்பாற்றிச் சீராட்டிய தாய்க்கோ
விறகிலிட்டுத் தீமூட்டு வேன்
நொந்து சுமந்து பெற்று நோவாமல் ஏந்திமுலை
தந்து வளர்த்தெடுத்துத் தாழாமே அந்திபகல்
கையிலே கொண்டென்னைக் காப்பாற்றிய தாய்தனக்கோ
மெய்யிலே தீமூட்டு வேன்
அரிசியோ நானிடுவேன் ஆத்தாள் தனக்கு
வரிசையிட்டுப் பார்த்து மகிழாமல் உருசியுள்ள
தேனே திரவியமே செல்வத் திரவியப்பூ
மானே எனஅழைத்த வாய்க்கு
அள்ளி இடுவது அரிசியோ தாய்தலைமேல்
கொள்ளிதனை வைப்பேனோ கூசாமல் மெள்ள
முகமேல் முகம்வைத்து முத்தாடி என்றன்
மகனே எனஅழைத்த வாய்க்கு
முன்னை இட்ட தீ முப்புறத்திலே
பின்னை இட்ட தீ தென்இலங்கையில்
அன்னை இட்ட தீ அடிவயிற்றிலே
யானும் இட்ட தீ மூள்கமூள்கவே
வேகுதே தீயதனில் வெந்து பொடிசாம்பல்
ஆகுதே பாவியேன் ஐயகோ மாகக்
குருவி பறவாமல் கோதாட்டி என்னைக்
கருதி வளர்த்தெடுத்த கை
வெந்தாளோ சோணகிரி வித்தகா நின்பதத்தில்
வந்தாளோ என்னை மறந்தாளோ சந்ததமும்
உன்னையே நோக்கி உகந்து வரம் கிடந்து என்
தன்னையே ஈன்றெடுத்த தாய்
வீற்றிருந்தாள் அன்னை வீதிதனில் இருந்தாள்
நேற்றிருந்தாள் இன்றுவெந்து நீறானாள் பால்தெளிக்க
எல்லோரும் வாருங்கள் ஏதென்று இரங்காமல்
எல்லாம் சிவமயமே யாம்
[digg=http://digg.com/url_to/story_on_digg]

நிரந்தர பந்தம் 2 பின்னூட்டங்கள்

இல்லையென்று கவலையில்லை

17/06/2010 at 5:34 பிப (கவிதை, காதல்) (, , , )

நீ இல்லாத
எதிர்காலத்தை எண்ணி
எனக்கு கவலையில்லை
உன்னைவிட
என்னையது
வருத்தப்போவதில்லை
பசுமையான நினைவுகள்
என் நெஞ்சோரம்
சாமரம் வீசும்
கண்மூடி
உறங்கும் போதும்
கனவலையில்
காட்சியாக விரியும்
உன்னைவிடவும்
உன் நினைவுகள்
அழகானவை
அமைதியானவை
அவை என்னை
அழவைப்பதில்லை

-மீரா.

நிரந்தர பந்தம் பின்னூட்டமொன்றை இடுங்கள்

முதிய உள்ளம்

13/04/2010 at 9:14 பிப (கவிதை) ()

முதியோர் இல்லத்தில்
தவழ்ந்து
கொண்டிருக்கின்றன
வயதான குழந்தைகள்..

முதுமை எய்திய
பிள்ளைகள் உள்ளம்.

நன்றி: படைப்பாளி

நிரந்தர பந்தம் பின்னூட்டமொன்றை இடுங்கள்

சிக்ஸ் பேக் கனவு

13/04/2010 at 9:05 பிப (கவிதை, Uncategorized) ()

  • மரமேறி,காடேறி

மாடு மேய்ச்சி திரிஞ்சப்போ

அடிவயிறு ஒட்டிப்போய்

ஆறு பீசாய் வச்சிருந்தேன்.

  • பட்டணத்தில் வேலப்பாத்து

பளபளத்து வரும்

அண்ணன்களின்

தளதளக்கும் உடலைப் பார்த்து

தடவிக்கிட்டேன்..

சப்பையான என்வயிறை.

  • குழி விழுந்த கன்னமும்

ஒடுங்கிப்போன  உடலும்

கோடு விழுந்த என் வயிறும்

குண்டாக வேணுமுன்னு

கோவில் போய்

வேண்டிகிட்டேன்.

  • இப்போ…பட்டணத்து வாசியாகி

பாதிவாழ்க்கை..

எழுந்ததும்  ஜாகிங்..

ஈவினிங் வாகிங்..

ரெகுலர் ஜிம்…

அல்லாடி

அலைகின்றேன்.

ஊதிப்போன என் வயிறை

ஒட்டிப்போன வயிறாக்க.

நன்றி: படைப்பாளி

நிரந்தர பந்தம் பின்னூட்டமொன்றை இடுங்கள்

கனவெல்லாம் நீதானே, விழியே உனக்கே உயிரானேன்…

07/11/2009 at 5:47 பிப (கவிதை, பாடல்கள்) (, , )

கனவெல்லாம் நீதானே, விழியே உனக்கே உயிரானேன்…
நினைவெல்லாம் நீதானே, கலையாத யுகம் சுகம் தானே…
பார்வை உன்னை அலைகிறதே, உள்ளம் உன்னை அழைக்கிறதே…
அந்த நேரம் வரும் பொழுது, என்னை வதைக்கின்றதே…

கனவெல்லாம் நீதானே, விழியே உனக்கே உயிரானேன்…
நினைவெல்லாம் நீதானே, கலையாதே யுகம் சுகம் தானே…

சாரல் மழை துழியில், உன் ரகசியத்தை வெளிப்பார்த்தேன்…
நாணம் நான் அறிந்தேன், கொஞ்சேம் பணி பூவாய் நீ குறுக…
எனை அறியாமல் மனம் பறித்தாய், உன்னை மறவேனடி …
நிஜம் புரியாத  நிலை  அறிந்தேன் , எது வரை சொல்லடி..
காலம் தோறும் நெஞ்சில் வாழும் உந்தன் காதல் ஞாபகங்கள் தினம் தினம்…

கனவெல்லாம் நீதானே, விழியே உனக்கே உயிரானேன்…
நினைவெல்லாம் நீதானே, கலையாதே யுகம் சுகம் தானே…

தேடல் வரும் பொழுது, என் உணர்வுகளும் கலங்குதடி..
கானலாய் கிடந்தேன், நான் உன் வரவால் விழி திறந்தேன்…
இணை பிரியாதே நிலை பெறவே, நெஞ்சில் யாகமே …
தவித்திடும் போது ஆறுதலை உன்மடி  சாய்கிறேன் ..
காலம் தோறும் நெஞ்சில் வாழும் உந்தன் காதல் ஞாபகங்கள் தினம் தினம்…

கனவெல்லாம் நீதானே, விழியே உனக்கே உயிரானேன்…
பார்வை உன்னை அலைகிறதே, உள்ளம் உன்னை அழைக்கிறதே…
அந்த நேரம் வரும் பொழுது, என்னை வதைக்கின்றதே…

கனவெல்லாம் நீதானே, விழியே உனக்கே உயிரானேன்…
நினைவெல்லாம் நீதானே, கலையாத யுகம் சுகம் தானே…

இந்த பாடல் திலிப் வர்மனின் “கனவெல்லாம்” என்ற இசைத் தொகுப்பில் இடம் பெற்றுள்ளது. திரை பாடல்கள் நிறைந்த தமிழ் இசை உலகில், கவிதை மனம் கொண்ட இந்த வகை பாடல்கள் அனைத்து இளம் உள்ளங்களையும் கவர்ந்தது என்றே கூறவேண்டும்.

நிரந்தர பந்தம் 2 பின்னூட்டங்கள்

விளங்காத விடியல்

06/11/2009 at 9:14 பிப (கவிதை, கவிதைகள், காதல், பெண்) (, , , , , )

ஏங்கும் இதயம் பற்றி
எழுத்தாணிக்கு கவலையில்லை!!!
இடைமறிக்கும் உன் நினைவுகளையே
எழுதச் சொல்லி துடிக்கிறது…..தாங்குவேன் நானென்று
வெறும் தவிப்புகளையே
பரிசளிக்கிறாய்…..

ஈரம் கொண்ட
இளஞ்சிவப்பு இதழ்கள்
இரக்கமில்லாத உன் கைகள்
இட்ட வேலியில்
உன் இதயத்துக்கு பக்கத்தில் நான்….

இரவுகளை இழக்க மனமின்றி
இனியவன் துணையின்றி
இம்மியளவும் வாழ்வில் சுவையின்றி
விரகமென்று நிற்கும் போது

விழித்திரை வேர்க்கும் முன்னே
விரதத்தை முடிக்கிறாய்!!!
தூங்காத மனமோ தூயவன்
உனையெண்ணி துடிக்க…

அர்த்த ராத்திரி அனைத்தும்
அமைதி காக்கிறது..
நீ ஆலிங்கனம்
செய்யவேண்டி…

நினைவுகளின் ஈரம்
சுவாசத்தில் காய மறுக்க
அணைக்கும் ஆவேசத்தில்
அர்த்த ஜாமமோ அடுத்த
பொழுதை தர வெறுக்கிறது…

மனதில் காதலோடு
மரத்து போன உடலோடு
வெறுத்து போகுதடா காதல்
கறுத்த இரவும் விடியல் கண்டு….

வெளுத்து விடிகிறதடா?
வேதனையில் துடித்து
விழிக்கிறதடா!!!!!!

தமிழரசி

நிரந்தர பந்தம் 2 பின்னூட்டங்கள்